تسســوى الدنيــــآآآ..}ْ~

تسوى الدنيا عندي من اكَعد وياك
وبدونك كلشي ما تسوى دنيتي

من اطب البيتكم أشبكَ على الباب
ويشبكَك بابنا من تطب بيتي

أتأذى اذا وي غيرك ارتاح
وحيل ارتاح اذا منك أذيتي

ويا غيرك من يردلي العمر ما اريد
واريد وياك لو يمك منيتي

قضيتي وياك ابد خلتني ما اشوف
وادعي من الله ما تنحل قضيتي

عليك العين تبجي ليل ونـهار
واكَلهة شعطلج شو مابجيتي

ويوصهله بجهاله الرايد ايموت
وبس اسمك لكَوه أهلي بوصيتي

على غيرك ما نحت ما بية عالنوح
وعليك اشكَد حلو ايونسني نوحي

وكَيت زيارتي بس اندعيلك
ونسيت وداعتك أندعي الروحي

جنت من روحي ضايج كَبل ملكَاك
وكل ساعة أكَل روحي دروحي

هسة لا بعد من روحي ما اضوج
أضوج شلون وانتة الصرت روحي

وانشع حيل من تلجمني لجروح
واضل مقهور لو طابت جروحي

اعتبرتلي اليداووني يلجمون
وتلجم بية واعتبرك علاجي

وسجين بحبك آنا متاني لفراج
واصلي وأندعي لا يجي فراجي

محتاج الحنانك حيل محتاج
ومحد غيرك يسدلي احتياجي

واذا عطشان يلكه نهر مثلك
ما معقولة يفتر عالسواجي

تحرجني بقصد وتطلع الروح
واكل للروح ما يقصد احراجي

أو الطبع المزاجي شكد اكرهه
واموت عليك جي طبعك مزاجي