يكلي انسه .. ويروحي اشلون تنسين ....

يكلي انسه ويا روحي شلون تنسيه
ورسمه شلون مني يفارك البال
اذا كل يوم اشوفه شلون انساه
بس الموت مني يغير الحال
عشكته ومن ضلوعي تطلع الروح
اذا اسمه عله اي لسان ينكال
اذا ينسه الاسلام الطف والحسين
واذا ننسه المسيح شلون انشال
واذا موسى الغرك والناجي فرعون
واذا مو علي اببدر الصال والجال
واذا ننسه احتلال عراقنه بيوم
ومن ينسه العراق و زحف الارتال ؟
واذا ام تنسه ابنهه و توه مولود
واذا جابت اطفال بيوم الرجال
بذاك اليوم يمكن انسه ذكراك
واقصد تنسي .. يعني انته عالبال !!