من دونك ابد والله مااكدر**

من دونــــــــك ابد والله مااكـــــــــدر

ما اكدر بدونك نفس بيه اتعيش

يسولفلي الكمر عنك يكول وكلشي يذكر

اصور كمر يحجي بجمالك البيك

يعني الكمر شافك كلي شصور

اتصور اودك يا عزيز الروح

وتصور حنانك بحر من يكبر

وتصور تبوك النجم منه بيوم

وتحجي مخبوصه بيك بلا وعي وتفتر

وتصور يعوفه السمه يحظن بيك

وتصور النور العنده يتستر

وينسون الكمر والليل كل الناس

لان انت بمكانه اصير من تحضر

صدكني بغيابك كلشي بيه يصير

الام وحزن وهموم واتحير

من دونك وحيد وحالي حال الضاع

ومضيع هله وعل شوفه يتحسر

ياعيد اليمر بالسنه بس مرتين

وانا كلما اشوفك عيد اتبشر

ومن احجي كلامي وياك كله اللوان

بي احمر وردي وابيض واخضر

وبي اللحان حلوه تعزف عله العود

واشعاري بغلاتك بالوصف تسكر

وحروف اللغه كله تحب ايدك

حتى الهمزه والكسره وحرف الجر

تحياتيــــ