تنشدني ع حالي شلونه بجفاك

تنشدني ع حالي شلونه بجفاك
وانا الكظيته بطرك الملامات
(عليك اسال) امس وبحركه غنيت
وبجيت وكمت اغنيلك سلامـات
نسيت وجنت اغنيلك سلامــات
ومع النجمات اوديلك سلامات
الجرح لوصادفك مره سلامات
الجرح يلتم واكول اعله الجـرح طـاب
وانا الماعاشرت غير الحرامـات ؟
وحرامـاتك باصبعي وخضرن ناب
اسولف وي صورك وابجــــي مرات
واطش اعلـه الصـوردمعــات العتاب
ومـــن كدمابجيت البارحــــــه اعليك
وحجيت اويــه الصـور عـن ظيم الغياب
اصورك كيفـــن حسبالهـن جاي
وحـده مـن الصـور فتحتلك الباب
وفتحت الخاطـرك شبـاج العيون
وعواذل عــالدرب غنــــولي جــذاب
وكلت باجــــــر تجيني وسولفت بيك
وبنيت اعلــه الدرب للجيـــه محــراب
وزرعت بكـــل كتر (تانيتكم) عــود
ويبس عــــود انتظــارك ياهـوه الهاب
عطش تموز روحي ياهـــوه الهاب
اليسلهه وغيرك انت ياهـوه الهاب
دليلي وكمت اغني ياهـــوه الهاب
وهـــوه الهاب التهه ومامر عليه

تحـياتـي

تسلمين حبي على الموووضوع رووعة